Belçîka de Festîvala Hewteyê Kultur û Hunerê Kurdan ê Brukselî roja peyêne de bi coşî qedîyaye.

Festîvale mabênê 15-18ê tebaxe de ameye kerdene. Festîvale de aktîvîteyê cîya-cîyayî ameyî kerdene. Kurdîstanijan çar rojan werd, kinc û sembolê xo dayî şinasnayene.

Vizêr roja peyêne de Koma Çar Newa, Pel Muzik, Koma Çar Stêrk, Sulyane û Hekîmo vejîyayî sehne ser. Beşdaranê festîvale hunermendan reyde deyîrî vatî, çepikî dayî piro, govende girewte û sloganî eştî.

Peynîya konseran de organîzatoran her kesî rê seba beşdarîye sipas kerd.