Festîvala Kultur û Xoza ya Depe vizêr roja diyîne de bi rêzê konseran qedîyaye.

Roja diyîne de KASEDî û Lewendîyî kincê kurdan ê neteweyî  bi slogananê 'Jin, Jiyan, Azadî' warê konserî de mojnayî. 

Dima Wekîla DEM Partî ya Erziromî Merale Daniş Beştaş qisey kerd û  bale ante hêrişan ser. Merale îfade kerd ke 100 serrî yo nê hêrişî bi kurdan nêeşkayî û do nêeşkê.

Merale vat: ''Ma bi ziwan, deyîr, govend û tîlîlîyanê xo verê vera nê hêrişan xo ver danê. Ma do est bê. Ma Depe de wareyê Mazlûm Doganî de yê. Tîya de adiro ke Mazlûmî vistbi ta  hema zî vêşeno. Na  sereberzîye yê ma ya.''

Dima  Baran Bozyel, Jinen Kayy-Der’e, Sipan Xelat, Koma Hevra vejîyayî sehne ser.