Fîlmê ‘Gava Şitil Mezin Dibin’ o ke hetê Komunê Fîlman ê Rojawanî ra virazîyayo, xelata fîlmê tewr weşî ya Japonya girewte.

Fîlmê Gava Şitil Mezin Dibin (When Seedlings Grow)o ke derheqê cuya rojane ya keyeyêkê Kobanê de yo bale anceno vurîyayîş û averşîyayîşê komelbîyayîşê neweyî yê peyê şer û şorişî ser.

Fîlm hetê Komunê Fîlman ê Rojawanî ra bi dîrektorîya Rêger Azadî ra ame viraştene. Senaryoya fîlmî zî hetê Emîn Engizek, Denîz Derya û Rêger Azadî ra ame nuştene.

 Fîlmê ‘Gava Şitil Mezin Dibin’ Festîvala Fîlman a Cine Pobre ya Meksîka de û Festîvala Uruguayî de zî xelate girewtbî.

Fîlm Festîvala SKIP CITY International D-Cinema a Japonya de mîyanê 1246 fîlman de sey fîlmê tewr weşî ame weçînayene.

Fîlm sere de Kolombiya, Katalonya, Swêd, Elmanya, Portekîz, Amerîka de xeylêk cayanê bînan de amebi mojnayene.