Fîlmê dokumenterî yê Derya Denîz Hêza Festîvala Xelatanê Fîlmanê Cinîyan ê Xoseran ê Los Angelesî de xelata fîlmê dokumenterî yê tewr başî girewte.

Hêza menga nîsane de Festîvala Fîlman a Mîyanneteweyîye ya Bodenî ya Swêdî de heman xelate û Festîvala Fîlman a Drukî de zî xelata 'serkewtişê berzî' girewtbî.

Dîrektora Hêza Derya Denîz pare kerd ke Hêza seba cinîyanê êzidîyan ameya girewtene û aye xelatî dîyarîya cinîyan ê êzidîyan kerde.

Hêza qala hîkayeya cinîyêka êzidîye kena ke 3ê tebaxa 2014î de Şingal de hêrişanê DAÎŞî de cuya ci bi temamî vurîyaye. Hêza hem qala raştîya qirkerdişî kena, hem zî qala têkoşînî kena. Hêza wextê fermanî de hetê DAÎŞî ra ameye remnayene bi Reqa, uca de zaf reyî xîret kena ke xo bikişa û peynî de DAÎŞî ra remena. Hêza dima tewra YJŞyî bena û 2016 de sey fermandarêka YJŞyî hemleya xelisnayîşê Reqa de ca gêna.