Kulturê dengbêjîye bi seserran o beno rayîrê neqlkerdişê tarîx û kulturê kurdan. Dengêbîye her cayê Kurdîstanî de girîngîye vînena û wayîra cayêkê taybetî ya. Botan zî bi dengbêjanê xo yê cinîyan namdar o. 

Dayîke Besê Budaka ke Botanî ra ya, Kampa Multecîyan ê Şehîd Rûstem Cûdîyî (Mexmûr) de manena û  35 serrî yo dengbêjîye kena. Dengbêje Besê Budak ANFyî rê qala dengbêjîye kerde.

Dengbêje Besê da zanayene ke aye domanîya xo de tim goş nayêne dengbêjan ser û vat: ''Ma qalê dengbêjan dibare kerdêne û girewtêne hişê xo. Xora dengbêjîye bi hawayêkê fekkî yena kerdene û wina resaye heta nê rojan. Ganî wanê ma wayîrê dengbêjîye vejîyê. Dengbêjîye kulturê ma yo qedîm o. Heta nika ma no kulturê xo pawit.

Ma domanîya xo de fekê dengbêjan ra goş nayêne macera û hîkayeyanê Ristemê Zan, Mîrza Mihemed, Hesen Şerefî ûsn. Dengbêjîye Botanî ra vejîyayî û vila bîye. Dengbêjî qala serebûtanê verênan kenê. Ma wexto ke koçberê kampe zî bibê ma bi îmkananê xo dengbêjîye rê dewam kerd. Ma nêzdîyê 10 camêrdî û 10 cinîyî yew xeyme de ameyêne pêser û kilamê xo vatêne. Ma ge ge şîyêne Silêmanî, Dihok û Ranya zî û dengbêjanê ê cayan reyde zî kilamê xo vatêne.''