Romîna Sîdaya 20 serre îşxalê dewleta tirke ra dima neçare mende ke Efrînî ra koç bikera. Romînaya ke Cindirêsî ra ya kemane cênena.

Romîna pare kerd ke aye bi teşwîqê babîyê xo dest pê kemane kerdo û vat: ''Mi Akademîya Muzîkî de vengê kemane eşnawit û mi kemane weçînaye. Ez roje de 6 saetan xebitîyayêne. Her ke şi mi hîna zaf kemane ra hes kerd. Wexto ke ma koçê Şehba kerd mi kemana xo zî xo de arde. Serrêke ra pey ma reyna dest pê perwerdeyî kerd. Dima ma komêke awan kerde. Wexto ke Merkezê Kulturî yê Şehîde Hêva ronîya ma zî şîyî uca.

Şehba de mamostayê muzîkî tay bîyî. Coka mi Şehba de dest pê mamostatîya muzîkî kerde. Dima hûmara wendekaranê ke wazenê kemane bimusê zêdîyayê. Wexto ke Efrîn de cergan eşt keyeyê ma ser, mi verî kemana xo girewte. Çunke kemane parçeyêkê cuya min a.''