Hewteyê Kulturê Kurdan o 8in paytextê Belçîka Bruksel de bi coşêkê pîlî dewam keno. Kurdîstanijê Ewropa çarçewa aktîvîteyan de ameyî têhet. Hewteyê Kulturê Kurdan de bi aktîvîteyê cîya-cîyayî yenê kerdene. Kurdîstanijan reyde hemwelatîyê Belçîka zî aktîvîteyan bi eleqeyî teqîb kenê.

Vizêr Hewteyê Kulturê Kurdan de kincê kurdî ameyî mojnayene û hunermendê sey Xelîl Sadiqî, Dahol û Zirne, Hozan Seid, Kemençe vejîyayî sehne ser. Hetê bînî ra dengbêjan zî sehne de kilamê xo û hunermendanê ewropayîjan zî deyîrê xo vatî.

Hunermendan sehne de venga kurdan da ke bi xurtî wayîrê kultur, ziwan û estbîyayîşê xo vejîyê. 

Xeylêk kesan zî xeymê kulturê kurdîstanijan zîyaret kerdî. Werdê kurdî zî çarçewa aktîvîteyan de dîyayî şinasnayene.

Roja hîrêyîne bi merşê 'Çerxa Şoreşê' û sloganê sey 'Jin, Jiyan, Azadî', 'Bijî berxwedana gerîla', 'Bijî Rêber APO' qedîyayî.