Festîvala Fîlman a SicilyAmbiense ya 14. mabênê 11-16ê temmuze de Şaredarîya San Vito lo Capoyî ya Sîcîlya de ameye kerdene û 35 berhemî tewrê festîvale bîyî. Festîvale de mojnayîşê fîlman reyde semîner û panelî zî ameyî kerdene û jurîyan de têna cinîyan ca girewt.

Fîlmo dokumenter Hêza Festîvala Fîlman a SicilyAmbiense ya 14. de layîqê Xelata Heqanê Merdiman a Rêxistina Efûyî ya Mîyanneteweyîye ame dîyene.  

Nameyê Rêxistina Efûyî ya Mîyanneteweyîye Francessa Corbo xelate daye û vat: ''Hîkayeya Hêzaya ke destê DAÎŞî ra remena û dima vera DAÎŞî şer kena tede dîrektore Derya Denîz qalkerdişêko xurt kerdo.''

Produktor Afat Bazî nameyê koma fîlmî ser o xelate girewte û vat: ''Ez xelate dîyarîya ê cinîyan kena ke vera DAÎŞî şer kerdo û nê rayîrî de şehîd bîyê.''

Xelata Heqanê Merdiman a Rêxistina Efûyî ya Mîyanneteweyîye dinya ser de xelatêka biprestîj a.

Bi na xelate Hêza heta nika bi temamî 6 xelatî girewtî.