Fermandara ARGKyî Hozane Mizgîne (Gurbete Aydin) şaristanê Kolnî yê Almanya de hetê TEV-ÇANDî ra bi merasîmêk û konserêkî ameye yadkerdene.

Konserî ra verî merasîm de nameyê TEV-ÇANDî ser o Dîrok Dîyarî qisey kerd û ard ziwan ke Hozane Mizgîne nîşaneta rayîrê azadîye ya û vat: ''Embazê ma yê sey Hozan Sefkan, Berçeme, Şîlane bîyî temsîlkarê xeta Hozane Mizgîne. Sey hunermendanê kurdan ma zî do bikerê ke layîqê xeta xoverdayîşî ya Hozane Mizgîne bibê.''

Dima Hozan Comerd, Zozan Zûdem, KOMAW Elî, Bermal Çem û Memo Gulî vejîyayî sehne ser û înan bi deyîranê xo Hozane Mizgîne yad kerdî.

Konserî ra dima hunermend Xelîl Xemgînî qalê Hozane Mizgîne kerd. Xelîl Xemgînî îfade kerd ke Hozane Mizgîne bi perwerîye xizmetê huner û azadîya kurdan kerdo û vat: ''Embaze Mizgîne sey cinîyêka kurde tesîrê her kesî kerd. Wexto ke mi a şinasnabî mi dî ke temsîlîya cinîya azade ganî senî biba. Ez şahîda têkilî û embazîya aye ya.''

Qiseykerdişî ra dima derheqê cuya têkoşînî ya Hozane Mizgîne de sînevîzyonêk ame mojnayene. Peynîya bernameyî de hunermendî Bengî Agirî, Narînxan û Dilara vejîyayî sehne ser.