Merkezê Îrtîbatî û Çapemenîye yê HPGyî derheqê şehadetê di gerîlayan de eşkeraye daye û nê vatî:

“Hemrayê ma yê mîlîtanê fedayî yê Apoyî Sîpan û Mahsûm 4ê teşrîna verêne ya 2024î de Warê Xoverdayîşî yê Sergelê yê herêma Şehîd Delîlî yê Rojawanê Zapî de hêrişê dişmenî de şehîd bîyî.Hemrayê ma Sîpan û Mahsûm waranê cîya cîyayan de serkewtişê girdi fînayî dest û xo semedê dewaya azadîye yê şarê xo têkoşîn kerd. 

Ma sere de keyeyanê erjîyayeyan ê hemra Sîpan û Mahsumî rê pêro şarê welatperwerî yê Kurdîstanî rê serweşîye wazenê. Ma soz danê ma do têkoşînê mîlîtananê fedayîyan  bi serkewtişî tacîdar bikerê.

Nasnameyê hemrayanê ma yê şehîdan wina yê:

Hemra Sîpan keyeyêkê welatperwerî yê Qamişloyî de yeno dinya û bi sempatîya PKKyî beno pîl. Hemra Sîpanî tim babeta ziwanê dayîke de hîsgêr bi û kurdkî qiseykerdêne û ciwîyayêne. Serranê lîse de asîmîlasyon qebul nêkeno û mektebê rejîmî caverdeno. Bado ke beno şahîdê qehremanîya Xoverdayîşê Kobanê verê xo dano koyanê azadan ê Kurdîstanî. Hemra Sîpan 2015 de tewrê sefanê gerîlayan beno û Herêmanê Pawitişî yê Medya de tewrê perwerdeyî beno. 2017  perwerdeyê Hêzanê Taybetan vîneno. Badê perwerdeyê serkewteyî binê serbanê Fermandarîya Qerargehê Merkezî de tewrê karanê muhîman beno û dima ra verê xo dano Rojawanê Zapî.

Hemrayê ma Mahsûm qezaya Çermûgî ya Amedî de yeno dinya bi kulturê welatperwerîye beno pîl. Qijtîya xo de hîkayeyanê qehremanîye yê PKKyî goştarî keno û çend şino sembatîya ci semedê têgêrayîşê ma zêdîyena. Hemrayê ma Mahsûm 2015 de tewrê sefanê têkoşînî beno. Pêkewtişêk de birîndar beno la badê tedawî cade reyna agêreno warê şerî. Xeylê hemleyanê serkewteyan ê vera DAÎŞî de ca geno. 2023 de tewrê perwerdeyê Hêzanê Taybetan beno. Badê perwerdeyê serkewteyî seba ke şiro warê şerê giranî israr keno.”