Hunermendê Efrînî yê ke şert û mercanê giranan ê Şehba de seba xelisîyayîşê Efrînî hêvîdar ê, karê xo dewam kenê. Hunermendan bi beşdarîya xeylêk hunermendanê çar parçeyanê Kurdîstanî û teberê welatî deyîrêke û klîbêke amade kerdî û seba yewîya neteweyîye veng da. Kultur û Hunerê Efrînî ra Nîyazî Sîdo ard ziwan ke ê xîret kenê ke girîngîya yewîya neteweyîye bimojnê.

Sîdoyî ANFyî reyde qisey kerd û ard ziwan ke vengdayîşê yewîya neteweyîye yê hunermendanê kurdan ra dima înan zî bi nameyê hunermendanê efrînijan ê Şehba waşt ke nê vengdayîşî xurtêr bikerê Sîdoyî vat: ''Ma munaqeşe kerd û vat karêko winasên do baş bibo. Ciwan Hesen, Mihid Mipilan, Dîyar û Xelîl Xemgînî zî mîyanê nê munaqeşe û karî de ca girewt. Her ca ra hunermendî bi coşêk tewrê karê ma bibê.''

Sîdoyî îfade kerd ke şarê kurdî yewîye wazeno, hêvîya xo ya seba ci pawenp. Sîdoyî venga partî û rêxistinanê kurdan da ke hêvîya şarê kurdî bîyarê ca.

Endama Kultur û Hunerê Efrînî Fatma Bila zî vat: ''Tewrbîyayîşê nê karî seba mi zaf girîng bi. Ma do nê karî pîlêr bikerê. Ma pîya yê. Ganî ma waştişanê şarê xo rê bibê cewabêk.''