KAYY-DERî Meydanê Yenîkapiyî yê Îstanbulî de bi şayîyêke Gaxan fîraz kerd. Xeylêk hemwelatîyî, Hemsereka Pêroyî ya DBPyî Çîgdeme Kiliçgun Uçar, Endama DEM Partî Songule Tunçdemîr, Mayê Haştîye û temsîlkarê rêxistinanê heqanê merdiman tewrê şayîye bîyî.

Şayîye de Hemsereka KAYY-DERî Bîlsene Ozdagan ard ziwan ke ê vera şerî tewirê exlaqî mojnenê û haştîye de israr kenê. Bîlsene vat: ''Ziwan nasnameyê yew netewe yo. Sere de vera kurdkî wa vera pêro ziwanan polîtîkaya asîmîlasyonî nêra kerdene. Wa 2024 bibo serra hêvî, haştîye, edalet û azadîye.''

Hemsereka Pêroyî ya DBPyî Çîgdeme Kiliçgun Uçar zî pare kerd ke se serrê Komara Tirkîya bi înkarkerdişê kurdan û elewîyan derbaz bîyê û vat: ''Dewleta tirke û AKP-MHP wazenê ke seserra diyîne de zî polîtîkayanê înkar, îmha û asîmîlasyonî rê dewam bikerê. Kurdan û elewîyan tim vera nê polîtîkayan xo ver da. Kurdî û elewîyî do qetî destûr nêdê ke ê bînî qederê înan ser o qeraran bidê.''

Şayîye bi deyîran û govendan qedîyaye.