Komîteya Perwerdeyî ya KCKyî bi wesîleya 15ê Gulane Roşanê Ziwanê Kurdkî eşkerayîyêke daye. Eşkerayîye wina ya:

''Perwerdeyê bi ziwanê dayîke heqê her kesî yo, seba destvistişê nê heqî pêro waranê cuye de xo rêxistinkerdiş û derbazkerdişê oratîkî zî hem heqêko meşrû yo hem zî heewce yo!

Ma Roşanê Ziwanê Kurdî sere de Rayber Apoyî rê, şehîdanê ma yê bêmergan û şarê ma yê xoverdayoxî rê fîraz kenê. Ziwan vîrê komelan o hempar o. Pawitiş û averberdişê vîrê komelî bi temamî pabesteyê pawitiş û averberdişê ziwanî yo. Seba ke estbîyayîşê kurdan bêro wedaritene ziwanê kurdî ame qedexekerdene, sey kanwazî pênase bi. Yew komelo ke ziwanê xo, xo vîr a kerdo hînî rijîyeno, beno vînî û tarîx, nasname, kultur û peynî de zî vîrê xo keno vînî. No zî bi xo qirkerdişê komelî yo.

Dewletê neteweyî yê tekperestî qirkerdişê ziwan-komelî kenê. Nê bingeyî de dewleta tirke bi serran ziwanê kurdkî qedexe kerd û kurdkî sey 'ziwano ke nêzanîyeno' da kişte. Dewletanê tirk, ereb û frasan ziwan û kulturê kurdan înkar kerdî, nêverda ke şarê ma bi ziwanê xo perwerde bivîno. 

Dewleta tirke çarçewa polîtîkayan dewleta neteweyîye de ziwanê kurdî teyna sey dersêka weçînite sey heqî daye şarê ma û bi nê hawayî zî şarê ma rê heqaret kerd. Yew ziwanê dayîke nêbeno dersa weçînite. Ganî şarê ma bi xoverdayîş û têkoşînî bikero ke ziwanê kurdkî bibo ziwanê perwerdeyî.  Şarê ma bi bedelanê giranan qetî ziwanê xo ra tawîz nêda û tim wayîrê ci vejîya. 

Şarê ma ganî naye ra pey zî hem welat de hem zî teberê welatî de seba ke ziwanê ma bibo ziwanê perwerdeyî û ziwano fermî têkoşînêkê xurtî bikero. Ganî şarê ma bi qiseykerdiş, nuştiş û wendişê bi ziwanê kurdkî mîyanê cuya xo de zî vera otoasîmîlasyonî têkoşîn bikero.

Roşanê Ziwanê Kurdkî  vera polîtîkayanê asîmîlasyonî xxobîyayîş o, wayîrê hişmendî, xoverdayîşê vera sîyasetê çinkerdişî roja wayîrvejîyayîşê vîrê komelî yo. Coka kurdkî raştîya xobîyayîşî ya kurdan a. Şorişê Rojawanî bi xo Roşanê Ziwanê Kurdkî yo. Şorişê Rojawanî bîyo şorişo kulturel û serkêşîya azadîya pêro ziwan û vengan keno.

Roşanê Ziwanê Kurdkî yê 15ê Gulane heman wextî de serrgêra 91. ya Kovara Hawarî ya. Ma şexsê Celadet Alî Bedîrxan û embazanê ey de bi na wesîle ê kesanê ke vera polîtîkayanê asîmîlasyon çok nêşonê erdî ro û seba averberdişê ziwanî xebitîyenê, selam kenê. Ma reyna Roşanê Ziwanê Kurdkî fîraz kenê.''