Kitabê Veysel Yildizhanî yê bi nameyê 'Ferhengê Tarîxî yê Kirmanckî-Bi Tarîxê Nusîyayena Xo Ya Tewr Kehene Çekuyê Kırmanckî (Zazakî ) (1798-1903)' hetê Weşanxaneyê Perwendî ra weşanîya.

Daşinasnayîşê kitabî wina yo: ''Nusîyayîş seba yew ziwanî enstrumanêko winasi yo ke bi işaretanê bêvengan ê ziwanî ganî verdano. Ziwanê ke nusîyayê, xo dima tena ripelanê murekebinan ney, yew kulturi zi verdanê. Pêro wesiqeyê mendeyî, dewlemendiya ziwanî û prosesê vurîyayîşê çekuyan anê verê çimanê wendoxan. Eke nê wesiqeyî ferhengî bê yan zî înan ra ferhengî bêrin amadekerdiş o wext muzeyêko kamil peyda beno. Muzeyo ke tede çekuyê seserran est ê.

‏Seba na xebate ma metnê tewr kehen yê kirmancki tesbit kerdi, heme çekuyê ê metnan ardî pêser û manayê înan bi tirkî nuştî. Bi na xebate ferhengêk virazîya. Seba ke çekuyê kirmanckî yê hemmanayî û çekuyê bi vatişanê (telafuzê) ciya-ciyayan têhet de biasê, ma no ferhengê xo tirkî-kirmancki amade kerd labelê tewr peyê kitabî de merdim şeno bi hetkariya îndeksî bireheti bireso listeya çekuyanê kirmanckî (zazakî).''