Dewleta tirke ya îşxalkere roja îne hêrişÊ Tirbespîyê ya Rojawanî kerd. Hêriş de Dêrar Cuma Hemzeyî dinyaya xo bedilnaye û şaîr Ferhad Merdê zî te di kesî birîndar bîyî. Komîteya Kultur û Hunerî ya Ewropa hêrişê dewleta tirke şermezar kerd.

Eşkerayîye de nê ameyî vatene: ''Xoverdayîşê şarî biteyabetî Newroze de sey lapate dîya rîyê faşîzmî ro. Dewleta tirke ya ke vera xoverdayîşê gerîlayan bin kewte nika bi hewayêkê eşkerayîye hunermend, roşnvîr û nuştoxan hedef gena. Dewleta tirke xora tim hêrişê xebatanê çapemenî û hunerî kena, çirey caardişê xo yê tepişnayîş û mirnayîşî canêverdayî la nika verê çimanê dinya de pê teyarayan hêrişê hunermend û nuştoxan kena.

Embazê ma şaîr Ferhad Merdê û embazê ci yê hunermendî raştê hêrişê dewleta tirke ameyî. No ramojneno ke dewleta tirke her hetî ra semedê hêrişê vera kurdan kerdo xo çeng. Ma Komîteya Kultur û Hunerî ya Ewropa nê hêrişê terorîstî şermezar kenê.  No hêriş û hêrişê winayênî benê sebebê zafêr xebityayîşê ma. Ma wextanê winayênan de zafêr wayîrê têkoşînî vejîyenê. Ma keyeyê Dêrar Cuma Hemzeyî rê serweşîye wazenê. Hûma şîfa xeyre bido Ferhad  Merdê û embazê bînî.''