Komunê Fîlman ê Rojawanî 2015 de hetê Akademîya Şehîd Yekta Herekolî ra Dirbêsîye de awan bi. Komunê Fîlman ê Rojawanî verî karê perwerdeyî kerdî. Serra verîne de Akademîya Şehîd Yekta Herekolî de 11 fîlmî, serrêke ra dima zî Komanê Fîlman ê Rojawanî de 7 fîlmî virazîyayî. 

Nika Komunê Fîlman de amadekarîyê fîlmê 'Kobanê' est ê. Komunî 2019 de zî dest pê karê rêzefîlmî kerdbi û tay mend ke rêzefîlmî biqedîyo. 

Dima ke mezunê verênî Akademîya Herekolî ra vejîyayî Komunê Fîlman ê Efrînî awan bi la îşxalê dewleta tirke ra dima komun derbazê Şehba bi. 2018 de Komunê Fîlman ê Kobanê awan bi. Serêkanîyê de studyoyê dublajî ame akerdene la îşxalê dewleta tirke ra karê dublajî Qamişlo de dewam kenê.

Komunê Fîlman ê Rojawanî komunanê Şehba, Kobanê û Cizîre û binê sîwana TEV-ÇANDî de zî karan keno. Mîyanê komunî de komîteyê senaryo, produksîyon û dîplomasî est ê. Komunê Fîlman ê Rojawanî xîret keno ke Reqa û Tebqa de zî komunan awan bikero. 

Komunê Fîlman ê Rojawanî 7 serrî yo bêmabên xîret keno ke bibo ziwanê şorişî û heta nika 25 fîlmî viraştî. 

Endama Komunê Fîlman ê Rojawanî Sêvînaze Evdikê  ard ziwan ke komun seba înan firsendêko pîl o û vat: ''Seba ke şoriş û sînema yew o, eleqeyê min ê seba sînema zêdîya.''