Hozan Şemdînî  ANFyî rê qisey kerd û vera esterîyayîşê nuşteyanê kurdkî û tepişîyayîşanê semedê govende nêrazîbîyayîşê xo mojna. 

Hozan Şemdînî dîyar kerd ke dewleta tirke dişmenîya kurdan kena û vat: ''Kurdî qetî apey game nêerzenê. Weçînayîşanê peyênan de kurdan destkewteyê girîngî vistî destî. Îqtîdar bi kerdişanê xo xîret kenê ke kurdan provake bikero. Şarê kurdî şarê govende yo. Dewlete çira flokloranê şaranê bînan qedexe nêkena? Dewleta tirke faşîzm kena. La kurdî kurdê verênî nîyê. Îqtîdarê AKP-MHPyî keno ke kurdan sey 'terorîstan' bido şinasnayene. La a raşte êyê ke terorîst ê îqtîdarê AKP-MHPyî yo. Qedexekerdişê govende nêno qebulkerdene. Govende nasnameyê kurdan o.

Kurdî ganî her ca de deyîr û kilamanê xo vajê, govenda xo bigêrê û muzîkê kurdkî goşdarî bikerê. Herinda deyîranê tirkî de deyîranê kurdkî goşdarî bikerê. Ganî ma vera kerdişanê faşîsazanan tewir bimojnê.''