Vera qedexe û tedayanê serê ziwan û kulturê kurdan bi şîarê 'Ma do vajê' konserêko ame organîzekerdene, ame qedexekerdene. Endamanê MKMyî ke vera qedexeyî vejîyayî raştê hêrişê polîsan ameyî û 25 kesî ameyî destbendkerdene.
Dewleta tirke vera kultur, ziwan û hunerê kurdan polîtîkayanê asîmîlasyonî bêmabên ana ca. Bi taybetî wextê peyênî de qedexeyî bîyî zêde. Şîrketa Organîzasyonî Merkezê Nawnayîşî yê Yahya Kemal Beyatliyî yê Kuçukçekmeceyî yê Îstanbulî de vera qedexe û tedayan do bi şîarê 'Ma do vajê' konserêk organîze kerd.
Konser hetê qeymaqemê Kuçukçekmeceyî ra ame qedexekerdene. Hunermandanê MKMyî, Wekîlê HDPyî yê Îstanbulî û xeylêk kewsan waşt cayê konseri de eşkerayîye bidê. Polîsan hêriş kerd û 25 kesî destbend kerdî. Kesê ke ameyî tepiştene ameyî berdene Mudirîya Polîsan a Vatanî.
Pirogluyî vera hêrişanê polîsan hêrsê xo ard ziwan û vat:, “Dişmenîya îqtîdarî ya vera kultur, kurdan û ziwanê kurdan dewam kena. Qedexeyî nêeşkenê vengê ma bibirnê, govende nîna vindarnayene.”
MKMyî ke hesabê xo yê medyaya sanale de eşkerayîye daye ard ziwan ke semedê konseri qerardar ê û vat ê do saete 19:00 de banê HDPyî yê Bagcilarî de konserî bidê.
