Komeleya Kultur û Huner û Edebîyatî yê Cinîyan (KASED) bi şîarê “Bi muhtewaya pirre ya dersê hunerî xizmetê cinî û domanan ê hunerhezan de yo” dest bi xebata xo kerd.

KASED armanc keno ke hetê kultur û hunerî ra xo biresno cinî û domanan ame. KASED de nika zî muracatê kursî dîya destpêkerdene. Komele de beşê sey; resim, def, govend, pîyano, keman, flut, tembûr, sêtar, gitar, drama û tîyatro de do perwerde bêro dayene. Sewbîna seba domanê ke emrê înan 2 û 5 serrî de yê, perwerde bêro dayene. Eynî wextî de ziwanê perwerdeyî kurdk yo. Derheqê komele û kursan de mamosteyanê komele qisey kerd.

Mamosteya edebîyatî Salîha Ayata vat: “Demêk derg o ke ma xebatêka winasêne ser o fikirîyenê. Ma qezaya Rezanî de cayê xo akerd û dest pê xebatanê xo kerd. Ma waşt ke qeza de xebatanê xo bikerî çunke tede dezgehê kulturî çinbi. Her çiqas nêzdîbîyayîşî başî bibê zî yê ke xirabî zî estbî. Ma pêro negatîf û pozîtîfîyê xo ercnayî ke karêk baş bikerê. Xora derûdorê ma heme keye de û doman û ciwanî estê. Ma wazenê xo hîna rew biresnê înan.'' 

Mamosteya resimî Neşe Toprak zî pare kerd ke înan girîngî daye cinîyanê ke îmkanê înan kêm ê û wina vat: “Ma hewceyê komeleyêka winasêne bîye. Seba ke heta nika komeleyêka kultur û hunerî ya cinîyan çinbi. Ma do beşê sey resim, tîyatro, muzîk, tembûr û tewir bi tewir beşan de dersanê xo bidê. Ma waştêne çend mengî verê na komele abikerî labelê rewşa îstîsnayîye vejîyaye werte û prosesê pandemî dest pêkerd. La ma do çarçewa tedbîrê vîrûsê korona de dersanê xo bidê.

Ma do na komele de xebat û projeyê xo pêşkêş bikerê û qasê ke destê ma ra ame ma do hetê kultur û hunerî de xo biresnê cinîyan. Coka ma apabeyê keyeyan ke domananê xo bierşawê kurs û  ma hêvî kenê ke cinîyî beşdarê kursan bibê.”