Musabeqaya Hîkaye û Şîîran a Huseyîn Çelebîyî 12ê teşrîna verêne de dest pêkena
Musabeqaya Hîkaye û Şîîran a Huseyîn Çelebîyî ya 31ine 12ê teşrîna verêne de, do Berlin de bêra kerdene. Amadekarîya seba merasîmê musabeqa Berlin de dest pêkerd.
Musabeqaya Hîkaye û Şîîran a Huseyîn Çelebî ya ke serra 1993yî ra nata her serre yena kerdene emser zî serkêşîya Yewîya Wendekaranê Kurdîstanî (YXK) û Cinîyan ê Wendekaran ê Kurdîstanî (JXK) de do bêra serûberkerdene.
Komîteya Amadekarîye bi eşkerayîyêke venga eleqedaran da ke wa tewrê musabeqa bibê.
Komîteya Amadekarîye vat: ''Musabeqaya Hîkaye û Şîîran a Huseyîn Çelebîyî ya 31ine do 12ê teşrîna verêne ya 2024î de do bêra kerdene. Şima eşkenê eseranê xo yê bi kurmanckî, kirmanckî (zazakî) û tirkî heta 5ê tebaxe ma rê bişawê.
Şima eşkenê eseranê xo bişawê [email protected] yan zî nê adresî:
Ferat Koçak
Schierker Straße 26, 12051 Berlin"
