Festîvala Kulturê Kurdan a Parisî dest pêkerde. Çarçewa festîvale de xeylêk aktîvîteyî yenê kerdene û tarîxê kurdan û Kurdîstanî dîyenê şinasnayene.

Festîvala ke bi hemkarîya CDK-F, Enstîtuyê Cigêrayîş û Fikran ê serê Kurdîstanî (IREK), Komeleya Kultur û Hunerî ya Kurdîstanî (ACK) û Weqfa Danielle Mitterrand yena kerdene, roja şemeyî dest pêkerde. Çarçewa festîvale de Komelê Demokratîkî yê Kurdan ê Parisî de maketê Kurdîstanî ameyî kerdene. Xeymanê herêmîyan ra heta  hacetanê zîretî û neqişnayîşî xeylêk berhemî yenê amadekerdene. Ciwanê kurdî zî bi renganê neteweyîyan tewrê festîvale bîyî.

Maketê berheman bi serran o hetê kedkarêkê kurdîstanijî Ameleyî ra virazîyenê. Amele vano: ''No kar berhemê têkoşînê min ê 25 serrî yo. No tarîx hem tarîxê kulturê şarê ma yo, hem zî tarîxê dejê şarê ma yo. Mînareya Çarlinge serê dinya de asta xo de tek bîna ya. Verê na bîna de erjê Kurdîstanî dîyayî guleyan ver. Rêçê ney birînê nê şarî yê.''

Ameleyî venga pêro kurdîstanijan da ke wa berheman zîyaret bikerê.

Maket Kurdistan heta 16ê gulane Rue D'Enghien de akerde yo.