Ressamê kurdî resimê cinîya xoverdayoxe ya Şingalî xêz kerd
Ressamê kurdî Ribwar Parwîzîyî resimê dadîya şingalija ke vera hêrişanê artêşa Iraqî kerrayî eştêne wesayîtê zirxînî, xêz kerd.
Hêzanê artêşa Iraqî Sinûn û Dugir de hêrişê Asayîşê Êzidxanî û YBŞyî kerdbi. Vera hêrişan nêrazîbîyayîşê pîlî amebi mojnayene.
Dadîyêka şingalije zî vera hêrişan kerrayî eştêne wesayîtêkê zirxînî. Fotografê dayîke serê platformanê medyaya dîjîtale de raştê eleqeyêkê pîlî ame. Ressamê kurdî Ribwar Parwîzîyo ke Hollanda de ciwîyeno, resimê na dayîke xêz kerd.
Parwîzîyî resimî bi nuşteyê 'Xoverdayîş ciwîyayîş o, cinîye, cuye azadîye' hesabê xo yê medyaya dîjîtale de vila kerd.
