Serkêşîya CDK-F û Komeleya Kultur û Hunerî ya Kurdîstanî (ACK) de vizêr paytextê Fransa Paris de Festîvala Kulturê Kurdan a Hîrêyîne dest pêkerd ke festîvale do heta 1ê hezîrane dewam bikera.

Sey her serre festîvale bi rayraşîyayîşêkî dest pêkerd. Rayraşîyayîşî ra verî Şaredara Herêma Desine ya Parisî Alexsandra Cordebard qisey kerd û dîyar kerd ke kurdî kokanê Parisî ra yê û ê bi kurdan sereberz ê.

Girseyî bi kincanê kurdan ê neteweyîyan, bi def, zurne û kilaman govende girewte û broşurî derûdorî ra vila kerdî.

Dima salona Şaredarîya Herêma Hîrêyîne de Hemserekê CDK-Fyî Şahîn Polatî qisey kerd û startê aktîvîteyan da. Polatî bale ante girîngîya pawitişê kultur û ziwanî ser.

Roja yewine ya festîvale de belgefîkmê ''Yek''î ame mojnayene, hunermendê TEV-ÇANDî vejîayî sehne ser û kayêka tîyatroyî ame kaykerdene.