Rojawan de '2 atolyeyî, 2 kayî'

Komunê Tîyatroyî yê Rojawanî Tîyatroyê Çiya yê TEV-ÇANDî reyde, projeyê '2 atolyeyî, 2 kayî' bi serkewtişî ard ca.

Kaykerdoxê tîyaroyî yê Rojawanî rixmê zehmetîyan û hêrişanê dewleta tirke zî projeyanê xo yew bi yew anê ca û berhemanê xo pêşkêşê seyrkeran kenê.

Ciwanê Qamişlo û Dêrikî kom bîyî û înan reya verêne tîyatro û huner de cagirewt, dersê senaryo û kamera girewtî. Nêzdîyê 50 kesî tewrê atolyeyan bîyî. Dima înan seba serra 45. ya ronîyayîşê PKKyî 2 kayî amade kerdî. Wird kayê ke hetê Tîyatroyê Çiya ra nusîyayê qala tarîxê PKKyî kenê.

Nameyê wird kayan Rastî Dagirkirî ye û Dara Jiyanê yê. Kayê 'Rastî Dagirkirî' qala xoverdayîşê Sêwrege keno ke 1980 de serkêşîya kadroyanê verênan ê PKKyî raSalih Kendalayî morê xo dabi binê ci.

Kayo diyîn 'Dara Jiyanê' zî qala kongreya verêne ya PKKyî ya 1978î keno. Kay de qala ci yena kerdene ke dadîya dadîya Îsmetî senî Mazlûm Dogan, Sakîne Cansiz (Sara), Dûran Kalkan (Abbas), Cemîl Bayik (Cûma) şinasnena û tewra Apogîran bena.

Wird kayî zî hetê Komunê Fîlamnê Rojawanî û Nefel Produksîyonî ra ameyî girewtene û wextêkê nêzdî de platformanê dîjîtalan ser de do bêrê weşanayene.

Kayî qaşo 27ê teşrîna peyêne de biameyêne mojnayene la hêrişanê hewayî yê dewleta tirke û şehadetan ra ameybî taloqkerdene. Wird kayî zî rojanê verê ma de sere de Qamişlo, Dêrik û Rimêlan xeylêk cayan de do bêrê mojnayene.