Rojê Kultur û Fîlman ê Orient Expressî pê babeta esase 'Bêsînorîye' (Grenzenlos) emser 19ê teşrîna verêne-14ê teşrîna peyêne de şaristananê Bern, Zurich û Baselî yê Swîsre de reya diyîne yena kerdene

Rojê Fîlman reya verêne pê babeta 'Rixmê Korona zî Kultur' ameybî kerdene. Emser tewr tay 13 fîlmê dergî û kilmî û 9 fîlmê dokumenterî aktîvîte de do bêrê mojnayene.

Ronayoxanê Komeleya Kultur û Hunerî ya Orient Expressî û Koordînatorê Festîvale Aydin Sevînçî ard ziwan ke Orient Express şaristanê Bernî de hetê zerrîwazanê hunerî ra ame awankerdene.

Rojanê Fîlman de Tirkîya, Îran, Iraq, Sûrîye, Yunanîstan, Azerbaycan, Sirbîstan û Swîsre ra û çar parçeyanê Kurdîstanî ra fîlmî do bêrê mojnayene.

Fîlman ra tayî wina yê: ''Xeyalet (Dîrektor: Azra Denîz Okyay), Welatê Jinan (Dîrektor: Şîrîne Bahar Demîrel), Hewno Bereng (Dîrektor: Mehmet Alî Konar), Bendemayina li Hesen (Dîrektor: Alper Şen), Dika di xeyala min de (Dîrektor: Metîn Akdemîr).

Çarçewa konseran de koma Ayyuka û Koma Yin Yin do vejîyê sehne ser.