Rojnuşteyê şehîde Sorxwîn Ciwana Munzur (Ozgur Kaya) bîyî kitabêk. Kitab de hîkayeya gerîlatî ya Ozgur Kaya esta ke 1995 de dest pêkena û heta 2006 wextê şehadetê ci dewam kena. Kitab hetê rojnameyê Newaya Jine ra ame komkerdene. Kitab menga adare de pê nameyê ''Tarîxo ke Nêqedîyeno, Raywanîya ke Nêqedîyena'' hetê Weşananê Meymanî ra ame çapkerdene. 

Vervatişê kitabî hetê Sozdar Avesta ra ame nuştene ke wextêk Sorxwîn Ciwana Munzur reyde mendbî.

Gerîla Munzure îfade kerdêne ke vînbîyayîşê rojnuşteyanê ci sey mergê aye yo û waşt ke eke sey layîq bêro dîyene rojnuşteyê ci bibê kitab.

Wendekarî her rîpelê kitabî de rindî û zehmetîya cuya gerîlayan vînenê û bi taybetî şahîdîya tedaya ke dewirê gerîlatîya Munzure de Botan de dîyayene kenê.

Wendekarî do kitab de biwanê ke vera operasyonanê çinkerdişî yê dewleta tirke yê serranê 1995-1999î gerîlayî senî xo ver danê.

Kesê ke wazenê kitab peyda bikerê eşkenê nê adresî û nûmara ser o têkilîyêke ronê:

[email protected]

0031 65 79 13 0 39