Stêrka Rojê komêka muzîkî ya 9 domanan a ke Merkezê Kultur û Hunerî yê Mihemed Şêxoyî de xebatan kena. Stêrka Rojê 2018 de awan bîye û kome perwerdeyê hacetanê muzîkî dana.

Endamo tewr qij ê Stêrka Rojê 9 serre yo û oyo tewr pîlêr zî 15 serre yo. Mîyanê kome de 3 perwerdekarî est ê.

Endama Stêrka Rojê Êva Elî ard ziwan ke perwerdeyê înan zaf hîra yo û vat: ''Ma roje kêmasîyanê xo çareser kenê û agahîyanê neweyan gênê. Bi rayîrê prova her roje hetê veng û şuxilnayîşê hacetanê muzîkî ra musenê. Ma tîya de karêkê kolektîfî kenê. Ma pîya qisey kenê, biranê xo pîya gênê û dima zî wezîfeyan mîyanê xo de vila kenê. Ma pê xebatanê xo eşkenê kulturê xo bipawê.''

Nuh Mihemedo ke 2018 de tewrê kome bi, vano ke mîyanê kome de o hem def hem zî tembur dano piro. Mihemedî vat: ''Ma çi musenê, musnenê domanan zî. Ganî pêro domanî kultur û domanê xo bimusê, bipawê. Ez kêfweş a ke domanan reyde karê hunerî kena. Ma pîya cenenê, kulturê xo pawenê.''