850 domanan aktîvîteya tîyaroyî ya Şaredarîya Sûrî ra feyde dî ke 6ê teşrîna peyêne de dest pêkerde. Çarçewa aktîvîte de rojêke de di seansê kayê 'Pîrê û Rovî'yî ameyî mojnayene. Domanî bi wesayîtanê şaredarîye taxanê xo ra ameyî girewtene û berdene bi Tîyatroyê Şaristanî yê Amedî. Şaredarîye aktîvîteyan de torbeyê dîyarîye dayî domanan.

Hemserekê Şaredarîya Sûrî Cemal Ozdemîrî derheqê aktîvîte de qisey kerd û vat: "Ma bi na aktîvîteya xo resayî 850 domanan. Seba ma xebatêka weşe bîye. Naye ra pey zî ma do aktîvîteyanê xo dewam bikê."