Komîteya TEV-ÇANDî ya PKKyî bi eşkerayîya nuştekîye dîrektorê sînema hunermend  Mensur Kerîmîyano ke 23ê kanûna 2023yî de hêrişanê dewleta tirke yê vera Rojawanî de şehîd bibi, birêzdarî yad kerd.

Eşkerayîye de nê ameyî vatene: ''Dewleta tirke ya îşxalkera ke qirkedişê kurdan kerdê sebebê estbîyayîşê xo verê çimanê heme dinya de qirkerdişanê xo rê dewam kena. Cinî, ciwan, extîyar nêvena heme heqanê merdiman binpay kena û qirkerdişanê xo domenena. Her firset de hêrişê Rojawan, Şingal, Mexmûr û cayanê cîya cîyayan ê Başûrê Kurdîstanî kena. Waranê sîvîlan dana bombayan ver û huqûqê mîyanneteweyî binpay kena. Her roje qirkerdişê ke xoser sûcê şerî yê yenê kerdene.''

Dewamê eşkerayîye de ca dîya nînan: ''Dewleta tirke tewr peynî de Xakurkê, Zap û Metîna de Gerîlayanê Azadîye yê Kurdîstanî ra derbeya girde werde. Artêşa tirke bi hêrişê vera herêmanê sîvîlan kena nê binkewtişê xo binimnê. Hetêkî ra vera qirkerdişanê Îsralî yê vera Gazze nêrazîbîyayîş mojnenê hetê bînî ra Rojawan de sîvîlan qetil kenê.

Hêrişanê peyênan de hunermendê sînema Mensur Kerîmîyan zî şehîd bi. Ma sînemakarê kurdî yê erjîyayeyî Mensur Kerîmîyanî birêzdarî yad kenê ke keda pîle daye ke dejê şarê kurdî bi rayîrê sîneme ramojno. Ma veng danê hunermendanê kurdan û heme dinya ke wa vera nê qirkerdişî bêveng memanê, tewirê xo ramojnê û bibê vengê nê têkoşînê biheybetî.

Vera nê hêrişan ma do têkoşîn û xoverdayîşê xo girdêr bikerê û wayîrê kede, vîrameyîş û têkoşînê şehîdan bivejîyê. Vera nê hêrişan û qirkerdişan bêvengmendiş yeno manaya vînkerdişê ruh û wîjdanî. Coka ma veng danê heme hunermendan û sînemekaranê wayîrê wîjdanî ke wa şexsê Mensur Karîmîyan de berpirsîyarîya xo bîyarê ca û wezîfeyê xo bikerê.''