TEV-ÇANDî û Kevana Zêrîn Ewropa eşkerayîtêke daye û pare kerd ke ''Seba şehadetê endama Grup Yorumî Hêlîne Bolek ma keyeyê c, embazanê ci, hunermendanê şorişgêran-demokratan, keyeyê ci û şaranê Tirkîya rê serweşîye wazenê. Xeta têkoşînî ya Hêlîne Boleke bêguman do hêz bida têkoşînê şorişgêrî yê şaran.''

Eşkerayîye de ame vîrvistene ke îqtîdaro faşîst ê AKP-MHPyî dişmenîya kurdan, hunermendan û pêro merdimîye keno û heqê her kesî zî binpay keno. 

Eşkerayîye wina dewam kena: ''Hêlîne Bolek seba ke bi hawayêkê azadî deyîran vaja rojeyê mergî girewtêne û roja 288. ya xoverdayîşê rojeyê merdî de dinyaya xo bedelnaye. Nameyê hunermendanê TEV-ÇANDî û Kevana Zêrîn a Ewropa ser o ma reyna Hêlîne Bolek yad kenê ke vera faşîzmî sereyê xo nêard war. Seba ke waştişê endamê Grup Yorumî Îbrahîm Gokçeko ke rojeyê mergî de yo bêro qebulkerdene, ma venga her kesî danê ke wa vengê xo berz bikero.''