Koyan de gama ke ez ver bi rojî vejîyayêne mi no veng çend reyan şinawit, bi perayîşê zerecan no veng peyda bibi, gama ke ê dereyan ra perayêne, baskê xo têşanayêne û ver bi vengayîye perayêne… Ez pîyarêyan de nê fikrêna ke nê vengî açarnî muzîkî… Vengêko senî bi? Wareka mi fam bikerdêne, a game ez do bieşkayêne bivajî zî…

Vengêk hewa de vila beno, vilayê vengê awe beno… Melodîyêk ke xo zerrîya merdiman de neqişnena, deyîrêk bîye ke çimanê merdiman ra sey hesire ameyêne war. No veng vengo yewin ê karitişê genimî, awa yewine ya zîretî, yo ke nano yewin viraşto, no veng vengê bêvengan bi. Vengê îlaheyêk ke manaya cuye hîs kerdêne, yan zî coşo ke gama dinya gêrayêne xo dir peyda kerdêne bi...

Awaz û Hunerêko Cîya bi, Hewarêk bi Verê Mi Da Koyan

No veng seba ma Kurdistan de ca bi ca gêrayîş bi! Kerdêne ke fam bikero, mana bido ci. Mi fam kerdêne ke manaya ke ro xo gêrena, hêzê tarîxîyî yo ke xo ci rê sepernayêne ra ameyêne. No veng vengê cuye û rastîye bi… Mevajê vengê roşnîya roşinî çino. No veng vengê koyan, çeman, pîyarêyan û bêvengan bi.

Kelagermê 11’ê Gulane de, vengê Gûrbete bi…

No veng vengê qerardarîya rayraşîyayîşê rayîrê kulturê cuya azade bi.

Vengê Êlîh, Tetwan û Kurdistanî bi…

Hozan Mizgîne vengê rastîya Kurdan, bi hunerê xo yo ke welat û şar dayêne ciwînayene, bi cuya xo ya organîzekerdeyî û cimatkîyî wayîrê exlaqê organîzebîyayîşî bîye. Reyna a hunerê şarî xo rê esas girewtêne, bi şexsîyetêkê cuya azade her rayraşîyayîşî de vejîyayêne vernîya mi.

Vengê Kulturê Cuya Azade

A serê rayîrê azadîye de û her tim vernîya ma de bîye…

Gama ke ma goş dayêne nê vengo ke veng dayêne şar û welatî, ma bi tradîsyonê kulturê Meryem Xan, Eyşe Şane mîyanê Mucadeleyê Azadîye Kurdan de resayêne pê. A bîye vengê mizgînîya şorişî, nasname û exlaqî yê Kurdistanî ke tede bingeyê cuya nêamebi verdayene.

A meleketa cimatê Kurdan û merdimîya neweye ya wareyê hunerî bîye. Nuqtaya peyêne ya çalaki û xorîbîyayîşî bîye…

Hemraya Sefqanan, Hogiran, Delîlayan û Yektayan Bîye

Mîyanê refanê azadîye de hunero tewr pîl û pîroz afernayîşê merdimî yo. A qehremananê fermandaran ra bîye ke wareyê kulturî de bi mucadeleyê xo yê dereceya şorişê romanî û destanîyî yê Rayber Apoyî de, tewr vernî de rayra şîye. Wextê modernîteya kapîtalîste ya ke hüner bi hunerî û Kurd bi Kurdê sexteyî dayêne kiştene, huner bibi pere û manewîyat bibi vînî, Hozan Mizgîne bîye nefesêk, bîye terzêk newî…

Kurdistan de wextêk ke huner agêrabi têgêrayîşêkê îşxalî û fetisnayîşî no vengê azadîye û heqîqetî bi berz. Wextêk ke tede kulturê Kurdan o kan ameyêne asîmîlekerdene, kulturê îqtîdarî yo îşxalker, kulturê arabeski û popî cimatî rê ameyêne empozekerdene, hemverê nê heme qirkerdişê kulturkîyî de a bi vengê xo mîyanê têgêrayîşê azadîye de Kurdî newe ra ardî xo ser.

A hemraya Sefqanan, Hogiran, Delîlayan û Yektayan bîye…

Bi berhemê ke afernayî, bîye taca serê çimeyê moral û coşî yê cuya azade û kulturê demokratîk-komunalî.

Mi koyanê Kurdistanî de vengêk şinawit.

No veng, vengê heqîqetê Kurdan bi…

Vengê azadîye bi…