Qezaya Xalfetî ya Riha de roja diyîne de vera darbeya qeyûmî xoverdayîş beno pîlêr. 

Roja diyîne de şar ancî dormeyê bînaya şaredarîye ya ablûqakerde de ame pêser.

Wekîlê DEM Partî Omer Ocalan, Zulkuf Uçar, Aytene Kordu, Ferît Şenyaşar, Mîthat Sancar û Dîlane Kunt Ayan û Hemşaredarê Xalfetî Sanîye Bayram û Mehmet Karayilan zî girseyî reyde yê.

Şar sloganê sey ''Ma do bi xoverdayîşî ser bikewê'' û "Bijî berxwedana Xelfetî" vanê.

Şar vano ke heta ke netîce bigêro xoverdayîşê ci do dewam bikero.