Paytextê Fransa Paris de Festîvala Kulturê Kurdan serkêşîya CDK-F û Komeleya Kultur û Hunerî ya Kurdîstanî de dewam kena. Festîvale 25ê gulane de dest pêkerdbî. 

Vizêr roja çarine de salona Şaredarîya Montreuilî de hunermendê TEV-ÇANDî vejîyayî sehne ser. Dima hunermendî Dengbêj Baran, Tabîbe û hunermendê erbane Farzad Andabali vejîyayî sehne ser.

Hunermendan bi şîarê ''Vera asîmîlasyon û qirkerdişê kulturelî'' bi pêro zaravayanê kurdkî deyîrê xo vatî.

Festîvale 1ê hezîrane de bi konserê fînalî do biqeda.