Bi wesîleya serrgêra 11. ya Şorişê Rojawanî, 29-30ê temmuze de paytextê Avusturya Viyana de verê Merkezê Komelê Kurdan ê Demokratîkî de festîvala kuçeyan ameye kerdene.

Roja verêne ya festîvale de derheqê Peymana Lozanî de panelêk ame kerdene û panel de netîceyê Peymana Lozanî ameyî nîqaşkerdene.

Xeylêk dezgeh û rêxistinanê sey Defend Kurdistan, RiseUpForRojava, Asyl Not, YXK, System Change not climma change, Jugendrat, Encommun, Young Struggle festîvale de standê xo akerdî.

Festîvale de hunermendanê kolombîyayîjan Fernando López û Maren Rahmannî konser da. Festîvale de şerwanê enternasyonelî yê şehîdî yê Rojawanî zî ameyî yadkerdene. Çarçewa festîvale de FEYKOM, Defend Kurdistan, Yekîtiya Xwendekarên Kurdistanê (YXK) û KPOyî derheqê konfederalîzmê demokratîkî de semîner da. 

Roja diyîne de aktîvîstê KOPî Max Zirngastî derheqê binpaykerdişanê heqanê merdiman û têkoşînê kurdan de semînerêk da. Roja diyîne de deyîrê dengbêjan û merşê şorişgêrî ameyî vatene û govende ameye girewtene. 

Temamîya festîvale de hêrişê îşxalî yê dewleta tirke yê vera Rojawanî ameyî şermezarkerdene û azadîya Rayberê Şarê Kurdî Abdullah Ocalanî ameye waştene. 

Festîvale de bi sloganan qedîyaye.