Fîlmê 'Dema Dirîreşkan' o ke romanê gerîla Murat Turko ke tepişte yo, ra ameyo adaptekerdene, reya verêne şaristanê Kolnî yê Almanya de do bêro mojnayene. Sersefîrîya dewleta tirke seba astengkerdişê fîlmî têgêrena.
Fîlmê 'Dema Dirîreşkan' 21ê gulane de, roja şemeyî, saete 7 de salona Fîlmforum NCWyî de do bêro mojnayene.
Goreyê agahîyanê ke ameyî girewtene Sersefîrîya dewleta tirke tedaya îdareyê Filmforum NRWyî kerd ke mojnayîşê fîlmî betal bikero.
Wayîrê salone bi nuştekî ekîba fîlmî rê pare kerd ke ê sebebanê teknîkan ra nêeşkenê fîlmî bimojnê. Dima selahîyetdaranê Filmforumî ekîbe rê telefon kerd û pare kerd ke fîlm almanya de nesansurkerde yo û ê do fîlmî bimojnê.
Ekîba fîlmî bi eşkerayîyêke vera tedayanê dewleta tirke tewirê xo mojna. Ekîbe vist vîrî ke no hewte dewleta tirke vera konserê hunermendan ê kurdan betal kerdî û xeylêk hunermendî tepiştî. Ekîbe vat: ''Nê kerdişê dewleta tirke sîstematîk ê. Dewlete wazena hunerî bikera qurbanê menfaatanê xo yê sîyasîyan.Ma na hişmendî şermezar kenê. Ma armanc kenê ke bibê layîqê seyrkeran.''
Hewteyanê verê ma de, fîlm do nê cayan de bêro mojnayene:
Paris: 21ê gulane, saete: 20:00, Les 7 Parnassîens 98 Bd du Montpamasse
Koln: 21ê gulane, saete:19:00 - 21:30, Fîlmforûm NRW Bîschofsgartenstraße1
Nurnberg: 26ê gulane, FîlmhaûsK4/Kûnst Kûltûr Qûartîer, Konîgstr 93,
Marsilya: 4ê hazîrane, saete: 18:30, Merkezê Komelê Kurdan
Draguignan: 12ê hazîrane, saete:13:00-15:00,130 Boûlevard Joseph Bemard de Trans en Provence
Heidelberg:18ê gulane, saete: 19:00, Karlstorkîno Am Karlstor 1
Kiel: 26ê gulane, saete:19:00, PÛMPE Haßstraße 22
