Nuştoxe Sayîme Xakpûra ke şaristanê Ûrmîye yê Rojhelatê Kurdîstanî ra ya, derheqê edebîyat û ziwanê kurdkî de xebitîyena, açarnayîşî kena. Xakpûra ke xeylêk kitabê bi kurdkî açarnayê farskî ser, da zanayene ke tedeyîya nê kitaban derheqê tarîxê kurdan, rewşa kurdan, xoverdayîşê Kobanê de ya.

Nuştoxe Xakpûre ANFyî rê qisey kerd û pare kerd ke edebîyatê kurdan dinya ser de edebîyatanê tewr zengînan ra yew o. Xakpûre dîyar kerd ke nuştoxî xo pawitişê ziwan, edebîyat û kulturê şarê xo ra mesuldar vînenê.

Xakpûre îfade kerd ke Rojhelatê Kurdîstanî dergûşê kultur, huner û edebîyatê kurdan o û vat: ''Hewramî, Kelhûrî û bajarê Lekî, ji Ûrmiyê heta bi Makû û Selmasê, Kalaxwe Îlam, Kirmaşan û Xorasan de derheqê ziwan, kultur, huner û edebîyatî de karî yenê kerdene. Nê dewrî de bi taybetî medyaya dîjîtale ser de eleqeyê merdiman bi edebîyat, kultur  û hunerî zêdîya.

Edebîyatê kurden edebîyatanê tewr zengînan ra yew o. Edebîyatê kurdan bi serran o tecrîdkerde yo û hayîya zafê kurdan bi na xezîna çin a. Vera polîtîkayanê asîmîlasyonî zî xoverdayîşêko xurt est o.''