Xelatê Musabeqaya Edebîyatî ya Huseyîn Çelebîyî ya 30. şaristanê Kolnî yê Almanya de bi bernameyêkî ameyî dayene. Musabeqa hetê Yewîya Wendekaranê Kurdîstanî (YXK) û Wendekaranê Cinîyan ê Kurdîstanî (JXK) ra 1991 ra nata yena serûberkerdene.

Bername de temsîlkaranê YXK û JXKyî qisey kerd û ard ziwan ke musabeqaya emserîne dîyarîya babîyê Huseyîn Çelebîyî Rifat Çelebîyî ameya kerdene ke emser wefat kerdo.

Nameyê Pen-Kurdî zî eşkerayîye ameye dayene û dima waya Huseyîn Çelebîyî Zeynepe Çelebîyî nameyê keyeyî ser o qisey kerd. Aytene Sungere nameyê KOMAWî ser o qisey kerd û vat: ''Ma xêrê şehîdan ra ewro resayê na aste. Coka ma do xeyalanê şehîdan bîyarê ca.''

Hunermendê tîyatroyî Muharrem Aralî zî qala vîrameyîşanê xo yê bi Rifat Çelebîyî kerd.

Mojnayîşê sînevîzyonî ra dima  wayîrê xelatan ameyî eşkerakerdene. Bername de Rêber Serhed û Suna Alan vejîyayî sehne ser.

Nê kesî layîqê xelate ameyî dîyene:

Şîîrê bi kirmanckî;

1. Boye Zembule: Şilan
2. Venge Azadi: Arzun
3. Xo vira meke : Dilbirin

 

Şîîrê bi almankî;

3. Hevîdar - Dîaspora Elmanya

2. Karîna -  Spinnerin

1. Alîna - Ein Gedicht und Feike

 

Şîîrê bi kurdkî;

3. Bê te bûnî -Mucahît Kaya

2. Welat Perwîn -  Ger xwe nekujim

1. Feraz Roj – Xemekê Keserkêş

 

Hîkayeyê bi kurdkî;

2. Seyîtxan Aykiz

1. Jîn Aryen Weraz

 

Şîîrê bi tirkî

3. Emre Genç – Dövüşenlere Alkış

2. Zuhat Zana – Her Bekleyiş

1. ‘Boşverin’ anonîm o

 

Hîkayeyê bi tirkî;

3. Mehmet Baytîmûr

2. Eylem Kahraman – Onu da mı söyledin? / Almanya

1. Zeynep Nergîs – Berfin’in Öyküsü / Şengal