Festîvala Fîlmanê Kurdan a Dusseldorfî ya Yewine vizêr bi merasîmê xelatdayîşî qedîyaye.

Fîlmê ''Cîran''î yê Mano Xelîlî Xelata Fîlmî ya Yilmaz Guneyî, dokumenterê 'Erenî'' yê Maria Binlerî Xelata Heqanê Merdiman, fîlmê ''Gava Şitil Mezin Dibin'' ê Rêger Azadî xelata Sînemaya Xoverdayoxe ya Xelîl Dagî, fîlmê ''Hêza'' Xelata Jîna Emînî girewte.

Beşê fîlmanê kilman de xelatî dîyayî ''Stêrka Li Ser Xetê'', ''Xewn'', ''Paths'' û ''Russian Vodka.''

Festîvale de fîlma ''Berbû''yî ame mojnayene. Dîrektora fîlmî Sevînaze Evdikê Rojawanê Kurdîstanî ra tewra festîvale bîye.

Xeylêk beşdar û sînemageran şexsê Sevînaze Evdikê de hunerê Rojawanî wasifna. Sevînaze şiroveyan ser o sipas kerd û vat: ''Rojawan de bi bedelanê giranan têkoşînêko pîl yeno kerdene. Ez her kesî rê zaf sipas kena. Ma do tim seba hunerî destê ma ra çi bêro bikerê.''