Paytextê Almanya Berlin de vizêr nêmroje polîsanê almanan eştbi Merkezê Komelê Demokratîkî yê Kurdan ser û Hemserekê NAV-BELî Huseyîn Yilmazî reyde xeylêk kesî destbend kerdbî, dima vera dabî.

Huseyîn Yilmazî vera sereştişê polîsanê almanan nêrazîbîyayîşê xo mojna û pare kerd ke nê sereştişî dewamê polîtîkayanê zorbazan ê Tirkîya yê û ê do têkoşînê xo rê tim dewam bikerê.

Huseyîn Yilmazî ard ziwan ke kerdişê hêzanê asayîşî yê almanan sey kerdişanê hêzanê dewleta tirke yê. Yilmazî vat: ''Bi çekan sereştişê vera merkezî nêno qebulkerdene. Sereştişê winayênî seba çimtersnayîşî yenê kerdene. Ma venga şarê xo danê ke vera nînan hişyar bibê.''

Huseyîn Yilmazî vist vîrî ke nika serrgêra Komployê Mîyanneteweyî ya û operasyonê winayênî parçeyê komployî yê. Yilmazî venga hêzanê şorişgêran, demokratan û haştîgîran da ke wa paştî bidê têkoşînê kurdan.