Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke eşkerayîye daye û nê vatî:

Vera hêrişanê artêşa tirke yê ke erd û hewayî ra dewam kenê, hêzanê ma yê gerîla çarçewaya xopawitişê meşrûyî 20ê sibate de Zap de operasyono şorişgêr kerd. Na çalakîya ke semedê yadkerdişê şehîdanê ma yê peyênan  ameye kerdene opersayonêko şorişgêr o ke bi ruhê fedayî Apo û serkewtişî ame kerdene.

Netîceyê nê operasyonê şorişgêrî şarê Tirkîya û rayrapêroyîye ra ameyî nimitene. Artêşa tirke hûmara merde û birîndaranê xo eşkera nêkerde, reyna nimite. Wezîrîya Pawitişê Milî yê Tirkîya eşkerayîya xo ya vizêrîne de vato înan qesasê leşkeranê xo girewto, 17 gerîlayî şehîd bîyî la no raşt nîyo. Eşkera şaranê Tirkîya xapînenê, zûre kenê.

Detayanê eşkerayîye de nê ameyî parekerdene:

Yewîya Şehîd Axîne Mûş;

19ê sibate de Warê Xoverdayîşî yê Girê Baharî de îşxalkerî  bi wesayîtanê hewayî ameyî hedefgirewtene. Na çalakîye de mewzîyêke ameye îmhakerdene.

Herêma Zapî;

Warê Xoverdayîşî yê Kurojaroyî yê Zapî de hîrê hetan ra operasyonê şorişgêr ame kerdene. Hêzê ma bi hewayêkê serkewteyî heta mewzîyanê dişmenî şîyî.  Mewzîyê îşxalkeran senî ke vîre virseno wina bi hawayêkê lezabez û bitesîrî ameyî pirodayene. Tay îşxalkeran mewzîyê xo caverdayî remayî. Îşxalkeranê ke cewab da ameyî pirodayene û cezakerdene. Hêzanê ma  wextê kilmî sey 20 deqayan de qilo ke îşxalkerî tede bî fîna dest. Heme mewzî û çadirê  îşxlakeran mesafeyê nizdî ra bi bombayanê destî û çekanê ferdî û nêm otomatîkan ameyî pirodayene û îmhakerdene.  Cepxaneyê qilî, kamerayêka mobese ameyî îmhakerdene û sîstemê teleferîkî ame texrîbkerdene. Reyna 5 çadirî zî ameyî vêşnayene. Çadiranê bînan de çeke û malzemeyo leşkerî ameyî destsernayene. Hêzê ma tîya şîyî cenazayanê 10 îşxalkeran ser. Artêşa tirke seba ke nê xezîmetê xo binimno têna mergê leşkerê bipereyî Mustafa Usluyî eşkera kerd. La nê operasyonê şorişgêrî de fermandaro payeberz zî tede 10 îşxalkerî ameyî cezakerdene. Îşxalkerê ke ameyî cezakerdene înan ra nameyê çend kesan wina yo: İlhan Koksoy, Huseyin Ozdal û Eyup Oksuz. Reyna xeylê çeke û malzemeyo leşkerî ame destsernayene û îmhakerdene.

3 hemrayê ma şehîd bîyî

21ê sibate de saetanê nêmroje de grûbêka hemrayanê ma dormeyê dewa Guherzê yê Amediye ra ravêrtene verê înan hetê wesayîtê ke sîvîl eseno ra ame birnayene bi pûsûyê xayînî peyî ra ameyî kiştene. Netîceya nê de 3 hemrayê me şehîd bîyî. Nê kesanê ke peyê  xo da keyeyanê sîvîlan û hêriş kerd nasnameyê înan hetê ma ra tam safî nêbîyî. Dîmenan de yeno vînayene ke wesayît sîvîlo û kincê înan sîvîl ê. La hema tam safî nêbîyo. Hesabê nê do bêro persayene.

Ewro ra tepîya mabênê Dêraluk- Amediyê de heme wesayîtê ke serê ci de beyraqa Başûrê Kurdîstanî çîn a, ma do sey dişmenî hedef bigîrê.

Herêma Şehîd Delîlî ya Rojawanê Zapî;

1, 2, 3 û 6ê sibate de Warê Xoverdayîşî yê Girê Baharî de çalakîyê suîkastî ameyî kerdene. Çalakîyan de îşxalkerêk ame cezakerdene û 3 kamerayê mobese yê bitermalî ameyî îmhakerdene. 20ê sibate de Warê Xoverdayîşî yê Amediyê de îşxalkerî bi çekanê giranan ameyî pirodayene, 2 mewzîyî ameyî îmhakerdene.

Çeke qedexeyî;

18ê sibate de Warê Xoverdayîşî yê Girê Cûdyî yê Zapî de tunelê ma bi teqaberanê qedexeyan dîyayî bombayan ver.

Bombardumanî;

Mabênê tarîxanê 16-22ê sibate de Warê Xoverdayîşî yê Lolan, Kendekola, Berê Zînê, Goşînê yê herêma Xakurkê, warê Enzê yê herêma Qendîlî, warê Yekmalê, Girê, Dêreşê, Mam Nêçîr, Girê Zengil, Girê Kun, Zêvkê, Heftebaxî yê herêma Garê, Warê Xoverdayîşî yê Bêşîlî, Serê Metîna, Şêlazê yê herêma Metîna, Warê Xoverdayîşî yê Girê Baharî yê herêma Zapî 32 reyî bi teyarayanê şerî dîyayî bombayan ver.''