Amed de  do Roja Govende  ya 1’ine bêro viraştene

Çarçeweya xebata hempare ya Keyeyê Hunerî yê Laleşî û Şaredarîya Bajarê Pîlî ya Amedî de do 24’ê Tebaxe saete 19.30’î de Roja Govende  ya 1’ine bêro viraştene.

Çarçeweya xebata hempare ya Keyeyê Hunerî yê Laleşî û Şaredarîya Bajarê Pîlî ya Amedî de do Roja Govende  ya 1’ine  24’ê Tebaxe de bi heskerdoxanê hunerî bêro têhet. 

Roja Govende ya ke bi şîarê, ‘‘Ma bi govende û tilîlîyanê xo agêrenê çewherê xo’’ yena organîzekerdene, Merkezê Kultur û Kongre yê Şaredarîya Bajarê Pîlî ya Amedî de do bêro viraştene û  do 4 ekîbê govendî sehne de ca bîgêrê. Pîya bi ekîbanê Mêrdîn, Bedlîs û Amedî do ekîbêko herêmanê cîya-cîyayan ra kaykerdoxî tede ca gênê hunerê xo ramojê. Yeno pawitene ke Roja Govende  ya 1’ine ewro ra tepîya bi hawayêkê tradîsyonkîyî her serre bêro viraştene.

img