Bruksel de Hewteyê Kulturê Kurdî dest pêkerd

Paytextê Belçîka Bruksel de aktîvîteyanê Hewteyê Kulturê Kurdî dest pêkerd.

Hewteyê Kulturê Kurdî  ê Brukselî yo 6’ine vizêr meydanê ‘Brouckere’ ra heta meydanê ‘Espagne’yî bi rayraşîyayîşêk dest pêkerd.

Rayraşîyayîşî de bi hawayêkê tradîsyonkîyî veyveyê Kurdan ame  pêramotene. Cinîyan bi  kincanê xo yê  tradîsyonelan bale ante xo ser. Meydanê Espagneyî  yê aktîvîteyan de  yewe xeyma mîyêne ke kulturê wareyî temsîl kena ameye ronayene, maketê awanîyanê tarîxîyan ê Kurdistanî ameyî ramotene, standê were Kurdan û kitaban û seba konseran sehneyêk ameyî ronayene.

Hewteyê Kulturî yo ke do çar rojî bêro dewamkerdene, roja Çarşeme awanîya KNK’yî de bi resepsîyonêk amebi destpêkerdene. Aktîvteyan de do konserî, atolyeyî hunerê dengeban û pêramotişê folklorî û fîman bibê.