Hetê Weqfê Koçî yê Şûbeyê Amedî ra bi nameyê „Çimanê Domanan de Amed“ yew pêramotişê fotografan ame akerdene. Pêramotişo ke Merkezê Kultur û Kongre yê Şaredarîya Girde ya Amedî de yeno kerdene rê parlementerê Partîya Şaran a Demokratîke (HDP) yê Amedî Hîşyar Ozsoy zî tewrê ci bi, xeylî kesan pêramotiş zîyaret kerd. Pêramotişo ke do 2 rojan akerde bimano kadrajê domanan ra 40 fotografî ca gênê. Tede bi çimê 7 domanan Amed û qezayê ci bi fotografan ca gênê. Pêramotişo ke vizêr ame akerdene do ewro heta saet 17.00 dewam bikero.