65 mezra û mehlayanê Licê û Hêne yê Amed de hewteyêko qedexeyê teberîvejîyayîşî esto û 4ê teşrîna verêne de qedexeya pîya operasyonêk amebi dest pê kerdene.

Mehlaya Çemê Elika ke bine ablûqa de yena tepiştene, dewijan rê hêrişê nîjadperestî benî. Xeylê dewijî ameyî tepiştene û heme heqê dewijan yenî gasp kerdene.

Goreyê xeberê Ajansa Mezopotamya leşkerî mehlayan de nobete tepişenî û destûr nêdanî kes bivejîyo tebere.

Corê mehlade zî bombardûman yeno kerdene û di roje cuwa ver zî goristan de şewato ke leşkeran veto, o zî vila beno.

Aw û ceyan nêdîyenê dewe û destûr nêdîyeno dewijî heywananê xo vejî teber û miqat ci bibî. Reyna yega û bostanê şarî zî hetê leşkeran ra yenî taxrîp kerdene.

Goreyê zanayîşan toraq û rano keleyo ke welatijî binerd de pawenî, qoricî û eskeran cayê ci ra vet û berdo.

Dewijan da zanayene ke leşkeran vato:‘‘ Ma şima mirnenî û pa bananê şimaya veşnenî.‘‘

Welatijê bi nameyê Alî û Mehmet Oyunlu ke di roje cuwa ver ameyî tepiştene, ci xebere nîna girewtene.