Operasyonanê dewleta tirkî ra şewatê ke Dêrsim de dest pêkerdbi, bînşê ra her hetê  bajarî ra vila bîye. Şewatî Kûtûdere, Harsî, Arekî, Zargovît, û mintiqaya  Ahpanosî ya Pulurî de dewam kenê. Şewatî çend şino hîra benî. Pîlvenk de zî ewro şewat dest pêkerd.

Reyna vizêr şan qezaya Mazgêrdî ya Dêrsimî de operasyonî ra mintiqaya beyntarê Kale û Gabenî de şewat vejîya. Dekotiş û vejîyayîşê Dewa Kale ame asntengnayene.

ŞAREDAR: LEŞKER DESTÛR NÊDANO

Şaredarê Mazgêrdî Tekîn Turkelî dîyar kerd ke şewatî ramenê û wina domna:’’ şewatî heta nizdîyê dewa Kale ameyî. Ma sey şaredarîye destûr nêda adir bireso zerê dewe, la şewatî cayan bînan de vila benî. Ma waşte ke vernîya şewatan bigere la eskeran destur nêda. Ganî hêlyêk cuwa ver operasyonî biqedîyî û şewatî bêrî hewna kerdene.