HPG: Çelê de 4 leşkerê dişmenî ameyî kiştene
Merkezê Çapemenî û Îrtîbatî yê HPGyî hemverê hêzanê îşxalî yê tirkan ê qilê Koordîneyê Çelê çalakîyêk viraşte, ame vatene ke çalakî de 4 leşkerî ameyê kiştene.
Eşkerayîya sîteya HPGyî ya derheqê çalakîye de wina ya:
“Roja 27ê Teşrîna verêne de saet 18.30 de hêzanê ma hemverê artêşa tirkî ya îşxalkare ke qilê Koordîne yê pabesteyê Çelêya Colemêrgî bica bîbî de çalakîyêk viraşte. Mewzî û stargehê dişmenî bi hawayêkê bitesîrî panîyayî. Na çalakîye de 2 mewzîyî ameyî îmhakerdene, qaso ke tesbît bi 4 leşkerê dişmenî zî ameyî kiştene. Çalakîye ra dima artêşa tirkî ya îşxalkare herême raşte raşt bi obus û topanê hewanî bombardûman kerda.”
HÊRIŞO HEWAYÎ
Roja 29ê Teşrîna verêne saetanê 17.30 û 19.30 de teyareyanê şerrî yê artêşa tirkî ya îşxalkare wareyê Şehîd Berîtane yê pabesteyê herêma Xakurkê ya Wareyê Pawitişî yê Medya bombardûman kerd.
