Peyamê KCKyî de vajîya ke ''Welatpawitoxê şarê Wanî û pîlê ma yo rêzdar Mam Haci Nûrî Varli netîceyê krîzê zerrî de şehîd kewto. Ma keyeyê ci, şarê Wanî û heme şarê Kurdistanî rê serweşîye wazenê. Ma sozê bicaardişê hesreta ê danê ke a zî bi ziwan, nasname û kulturê xo Kurdistanêkê azadî de awanerdişê cuyêka demokratîke bî.“   

Dewamê peyamî wina yo:

''Pîlê ma yo rêzdar Mam Haci Nûrî serra 2003 de her çende emrê ci bibi nizdê 70 zî ame  koyanê Kurrdistanî, tewrê sefanê Têgeyrayîşê Azadîye bi. 15 serrê ke koyan de bi çirey lomeyêk nêkerd û hemrayanê xo yî ciwanan dir ciwîya. Sey birayê xo yê Abdullah Varliyî ke Quran reya ewilêne açarnabi Kurdkî ser, koyan de bi ziwanê Kurdkî eleqedar bi, hîs û vîrardişê xo yê mîyanê mucadeleyê azadîye bi Kurdkî kerdî kitab.

Mam Haci Nûrî îfadeyo mucerid ê welatpawitoxî û israrê cuya azade yê şarê Kurdistanî yo.Hemrayê mucadeleyê azadîye yê sey Mele Abdurrahman, Apê Hesen, Mam Hesen û Mam Haci Nûrî yê zaf biercî bîyî. Ê ercê tewr bingeyênî yê moralê mucadeleyê ma yê azadîye yê.

Bawerîya Mam Haci Nûrî ya ke do Têgeyrayîşê Azadîye şarê Kurdistanî biresno serfirazî ma rê û heme şerwananê azadîye rê mesaûldarîyêka pîle bar kena. Ma do na mesûldarîya xo çirey xo vîr ra nêkerê û bawerîya înan tal nêvejê. Ma do hesreta înan ya Kurdistanê azadî bica biyarê û bibê layiqê înan, layiqê heme şehîdanê ma û kesê ke bi seserran o bi pabestîya azadîye ciwîyenê.''