Goreyê eşkerayîya Meclîsê Şarî yê Mexmûrî yê ke vizêr hêrişê Mexmûrî yê dewleta tirkî de şehîd bîyî, înan ra hîrê tenî heman keyeyî ra maye, kêna û torna ci yê.

Dewleta tirkî vizêr bi teyareyanê şerî hêrişê  Kampa Bextwaştoxan ya Şehîd Rustem Cûdîyî ya Mexmûrî kerd. Netîceyê bombardûmanî de 4 sivîlî şehîd bîyî. Goreyê eşkerayîya Meclîsê Şarî yê  Mexmûrî  yê ke herîşê dewleta tirkî de şehîd bîyî nameyê înan wîna yê: Asya Alî Muhamede ya 73 serrî, kênaya ci Naînç Ferman Qasime ya 26 serrî û torna ci Evîn Kawa Mahmude ya 14 serrî û Eylem Muhammed Emere ya  23 serrî.

Eşkerayîye de ame vatene ke keye wexto ke seba miqatbîyayîşê dewarî şiyênê axurê xo raştê hêrişê teyareyanê şerî yê dewleta tirkî ame.

Hêrişê bin şewe ra dima ewro şar saetanê rewî ê serê sibayî de meydanê dewe de ame pêser. Reyna kampe de qe cayê gureyî nêameyî akerdene.

Meclîsê Şarî yê Mexmûrî da zanayene ke ewro do semedê şehîdan saet 13.00 de merasîmêk bêro viraştene.