Nasir Yagizo ke Vakurê Kurdistanî ra yo 2016 de seba fealîyetanê xo yê sîyasîyan ame tepiştene û 2017 de ame tehlîyekerdene. 2018 de dimayê destbendkerdişan ra mecbûr mend ke şiro Kurdistanê Federeyî. Ûca sey endamê Temsîlkarîya HDPyî yê Hewlêrî xebatê xo domneno û seba wedartişê tecrîdê serê Rayberê Şarê Kurdî Abdullah Ocalanî nê 46 rojî yê ke grevê vêşanîye yê bêdem-bêagêrayîşî de yo. Yagizî derheqê çalakîya xo de nê vatî: “Ez Nasir Yagiz. Qezaya Gercuşî yê Êlîhî ra ya. Di xalê mi hetê kontrayan ra verê keyeyî de ameyî qetilkerdene. Xalêk mi yo ke tewrê Têgêrayîşê Azadîya Kurdan bibi 2016 de şehîd kewt. Na yewe ra sere de tewrbîyayîşê mi bi hîsdarî bi.”    

GANÎ TECRÎD BÊRO ŞIKTENE

Yagizî qiseykerdişê xo wina domna: “Mi sîstemê Rayberê Şarê Kurdî Abdullah Ocalanî wend û dimayo ke hîna rind fam kerd mi qerarê na çalakîye da. Eke hêzê demokrasî bêrê têhet do bieşkê faşîzmî birijnê. Rejimê Îmraliyî reijmêko mîyanneteweyî yo. Naye ra heme hêzê mîyanneteweyîyî hemparê nê sûcî yê. Xoverdayîşê Dewrî xo birêz Ocalanî de îfade keno. Ganî her kesê ke xo ra vanê merdim paştî bidê nê xoverdayîşî û tecrîdî bişiknê.”  

GANÎ HER KES REYNA BIFIKRO

Yagizî peynî de nê vatî: “Ganî heme şarê Kurdistanî Rayberîya xo rê wayîr vejîyo. Wayîrvejîyayîşê Rayberîye wayîrvejîyayîşê kultur, milet û nasnameyî yo. Ganî ma bi şîarê ‘Şima nêeşkenê Rojê ma tarî bikerê’ hemverê faşîzmî de vinderê. Ma do heta wedarîyayîşê tecrîdê serê Rayberîya xo çalakîyanê xo bidomnê. Beno ke ma cuya xo feda bikerê. Ganî heme şarê Kurdistanî bi hişmendîya nê tê bigêro.”