Dewa Buyukçagî ya qezaya Dara Hênî ya Çewlîgî de vizêr şan qoricîyan wesayîto ke di welatîjî tede bî ser o guleyî varnayî. Hêrişê qoricîyan de hemwelatijan ra Sedat Uzanî dinyaya xo bedilnaye û Edîp Uzan zî vîndîbîyaye yo.
Goreyê zanayîşan dewa Buyukçagî ya qezaya Dara Hêrnî ya Çewlîgî de hemwelatijo bi nameyê Sedat Uzan ke pîyê 6 qijan o û dezayê ey Edîp Uzan ke wayîrê 3 qijan o bi wesayîtêk wexto ke şinê semedê qormekerdişî ke birra pesî ra bizêk biyarê raştê hêrişê çekinî yê qoricîyan ameyî. Hêrişê qoricîyan de Sedat Uzan merd û Edîp Ûzan zî vîndîbîyaye yo. Meyîtê Sedat Uzanî qereqola cendirmeyan de yeno vindarnayene.
Ame vatene ke qoricîyî wazenî nê qewimîyayîşî sey pêkewtişî ramojnî û heme sucî erzenê hemwelatijan ser.
